Hate ragihandin ku operasyon "bi hev re" têne meşandin. Wezîrê Parastinê yê Îsraîlê Israel Katz anî ziman ku êrişa Hîzbûllahê ya li ser Îsraîlê wê "berdêleke xwe ya giran bi xwe re bîne." Katz li hemberî lîderiya Îranê û hevalbendên wê gotinên tund bi kar anî û diyar kir ku operasyon wê dewam bikin.

Israel Katz anî ziman ku li gel Serokwezîr Binyamin Netanyahu wan ferman dane artêşa Îsraîlê (Tsahal) ku operasyonên li hemberî Hîzbûllahê mezin bike.

Katz her wiha ragihand ku armanca bingehîn a operasyona "Gurmijîna Şêr" dewam dike û armanc belavkirin û têkbirina "rejîma terorê" ya li Îranê ye, kapasîteya leşkerî ya Îranê bêbandor bike, gefên li ser Îsraîlê ji holê rake û pêşî li gelê Îranê li dijî rêveberiya heyî veke.

LI DIJÎ LUBNANÊ OPERASYONA BEJAHÎ DI ROJEVÊ DE YE

Rayedarekî ewlekariyê yê Îsraîlî daxuyaniyek da qenala Al-Hadath a navenda wê li Erebistana Siûdî ye û ragihand ku operasyona nû ya li hemberî Hîzbûllahê wê "berfireh" be û dibe ku operasyona bejahî jî di nav de hebe.

Artêşa Îsraîlê li hemberî Lubnanê serê sibehê bi dehan êrişên hewayî pêk anî. Hate ragihandin ku ev êriş wek bersiva li êrişa bi roketan û balafirên bêmirov ên Hîzbûllahê hatiye kirin. Li gorî Wezareta Tenduristiyê ya Lubnanê herî kêm 31 kes mirin.

LI ÎRANÊ BÎLANÇO GIRAN DIBE: HERÎ KÊM 555 KES MIRIN

Heyva Sor a Îranê eşkere kir ku ji roja Şemiyê dema destpêkirina êrişên Îsraîl û Dewletên Yekbûyî yên Emerîkayê û vir ve li welêt herî kêm 555 kesan jiyana xwe ji dest dan.

Li gorî ajansa fermî Tasnîmê, tenê li eyaleta Farsê 35 kesan jiyana xwe ji dest dan. Rayedaran diyar kirin ku ji ber êrişên hewayî dibe ku hejmara qurbaniyan zêde bibe.

FRANSA: EM AMADE NE KU TEVLÎ PARASTINA KENDAVÊ BIBIN

Wezîrê Parastinê yê Fransayê Jean-Noël Barrot ragihand ku ew amade ne beşdarî parastina Urdunê û welatên Kendavê bibin ku ketine bin bandora êrişên balafirên bêmirov û fuzeyan ên Îranê.

Barrot peyama piştevaniyê da Îmarat, Erebistana Siûdî, Qatar, Iraq, Bahreyn, Ûmman, Kûweyt û Urdunê.